Vrou klim uit motor na band bars

Add as a preferred source on Google

VANDERBIJLPARK. – ‘n Vrou het ongedeerd en net met ‘n paar stampe uit haar motor geklim nadat die band gebars het en sy beheer verloor het oor die voertuig en teen ‘n boom gebots het.

Michelle van der Linde was in die rigting van Parys oppad op Barrageweg net verby Richman Poorman toe die linker voorwiel van haar Ford Fiesta gebars het en die motor die pad verlaat het. Sy het aan die passasierskant teen ‘n boom gebots. Volgens omstanders het sy uit haar motor geklim maar paramediese personeel van ER24 het haar op die toneel behandel.