Twee beseer in botsing, Meyerton

Twee mense is vroeër vanaand (10-8-2016) ernstig beseer in ’n botsing in die omgewing van Johan le Roux- en Morrisstraat, Meyerton. Albei beseerdes was in hul voertuie vasgekeer en is onderskeidelik deur ER24 na Vereeniging Mediclinic en die Sebokeng-hospitaal vervoer, nadat hulle uit hul voertuie bevry is en hul toestand deur paramedici gestabiliseer is. Foto’s: Rudy Francis.