//
Volgens Russel Meiring, ER24-woordvoerder, het Jan, wat onder sy vriende as Bla-Bla bekend gestaan het, die betrokke dag in die verkeersirkel in Playfair-boulevard, Vanderbijlpark vasgery.
Met nooddienspersoneel se aankoms op die toneel het hulle hom aangetref waar hy ‘n paar meter van sy motorfietswrak af gelê het. Hy het verskeie ernstige beserings gehad. Paramedici het vergeefs kardiopulmonêre resussitasie en ander gevorderde lewensondersteunende behandeling toegepas. Hy is uiteindelik op die toneel dood verklaar.
Volgens ooggetuies het Jan vermoedelik beheer oor sy motorfiets verloor voordat hy teen die sirkel vasgery het, maar gerugte wil dit hê dat hy moontlik ‘n hartaanval gehad het terwyl hy bestuur het en om dié rede beheer verloor het.
Lede van die Centurians Motorfietsklub het ‘n erewag gevorm by die verassingsdiens wat op 5 Oktober vanuit die El Shamma-gemeente op die hoek van Longfellow- en Emmersonstraat, Vanderbijlpark, gehou is. Sy kis was versier met artikels wat twee van sy grootste liefdes uitgebeeld het – ‘n motorfietshelmet en sy gunsteling ryklere, sowel as ‘n WP-vlag.
Bla-Bla word oorleef deur sy vrou, Mercia, kinders en ‘n wye vriendekring.
At Caxton, we employ humans to generate daily fresh news, not AI intervention. Happy reading!
