Eskom sê munisipaliteite wat wil voorkom dat die kragtoevoer afgesny word moet ‘n kontantbetaling maak, skriftelik onderneem dat toekomstige rekeninge betaal sal word en ‘n betalingsooreenkoms aangaan.
Vyf munisipaliteite het intussen met ‘n ooreenkoms met die kragvoorsiener bereik naamlik Nketoana-munisipaliteit (Arlington, Lindley, Petrus Steyn en Reitz), Nala-munisipaliteit (Bothaville en Wesselsbron), Tokologo-munisipaliteit (Boshof, Dealesville en Hertzogville), Mantsopa-munisipaliteit (Excelsior, Hobhouse, Ladybrand, Thaba Panchoa en Tweespruit) asook die Walter Sisulu-munisipaliteit wat die dorpe Aliwal-Noord, Steynburg, Burgersdorp, Venterstad en Jamestown, insluit.
Intussen sal Eskom voortgaan om die elektrisiteitstoevoer van vandag af te sny na die die volgende munisipaliteite:
Vrystaat:
Dihlabeng: Bethlehem, Fouriesburg, Rosendal, Paul Roux, Fateng-Tse-Ntsho, Panorama en Groentoevoerlande vanaf 16 Januarie.
Masilonyana: Theunissen, Brandfort, Winburg en Verkeerdevlei vanaf 16 Januarie.
Noord-Kaap:
Ubuntu: Victoria-Wes en Richmond vanaf 18 Januarie.
Renosterberg: Van der Kloof, Petrulsville en Phillipstown vanaf 18 Januarie.
Noordwes:
Ventersdorp: Ventersdorp, Tshing-township, Appledraai, Buffelsvlei, Boikhutso, Toevlug en Doornkop vanaf 16 Januarie.
Mamusa: Schweizer-Reneke vanaf 16 Januarie.
Naledi: Vryburg vanaf 16 Januarie.
Lekwa-Teemane: Bloemhof en Christiana vanaf 18 Januarie.
Maquassie Hills: Wolmaransstad vanaf 18 Januarie.
Madibeng: Brits, Letlhabile, Oukasie, Damonsville, Elandsrand en Priminidia vanaf 18 Januarie.
Kgetlengrivier: Koster en Swartruggens vanaf 18 Januarie.
Mpumalanga:
eMalahleni: Doornpoort, Kwaguqa, Witbank en Churchill vanaf 23 Januarie.
Mkhondo: Piet Retief en Amsterdam vanaf 23 Januarie.
Mbombela: Mbombela stadion/Ilanga Mall, Riverside/Nelsrivier, Witrivier en Nelspruit vanaf 23 Januarie.
Lekwa: Standerton vanaf 23 Januarie.
Msukaligwa: Ermelo vanaf 23 Januarie.
Chief Albert Luthuli: Carolina en Silobela vanaf 23 Januarie.
Die munisipaliteite skuld Eskom tesame R10.2 miljard rand.
