Vrou kritiek beseer in Pierneef-ongeluk

Met die aankoms van paramedici van ER24 en brandweermanne van Midvaal Brandweer op die toneel het hulle beide voertuie in die middel van die pad aangetref.

Na hulle ondersoek ingestel het, het hulle besef ‘n vrou is vasgekeer in die bestuurdersitplek van die voertuig. Gespesialiseerde toerusting is ingespan om haar uit die wrak te bevry. Sy het ernstige kopbeserings opgedoen en is in ‘n kritieke toestand per helikopter hospitaal toe geneem vir verdere mediese sorg.

Die bestuurder van die ander voertuig het geringe beserings opgedoen en hospitaal toe geneem, terwyl ‘n jong meisie, vermoedelik die dogter van die vrou wat kritiek beseer is, ook hospitaal toe geneem is.

Die voorval word ondersoek.