Vrou aan die brand gesteek

Volgens Nick Dollman, woordvoerder vir Netcare 911 het die voorval in die nedersetting in die Kwaggasrand-omgewing plaasgevind.

“Volgens inligting vanaf die toneel is ʼn vlambare vloeistof, vermoedelik petrol, oor die slagoffer gegooi en sy is aan die brand gesteek. Die presiese omstandighede oor die voorval is onbekend en word ondersoek,” het Dollman gesê.

Die vrou het erge brandwonde opgedoen en is in ‘n kritieke toestand hospitaal toe geneem.