Talle beseer na tornado Vaal Marina tref

Paramedici van ER24 het net na 18:00 by die toneel aangekom. Die beseerdes is behandel en 25 mense is hospitaal toe geneem vir verdere mediese sorg.

Die tornado het groot skade aangerig en talle dakloos gelaat.

Volgens Mmatshepo Chiloane, woordvoerder vir Midvaal Plaaslike Munisipaliteit, is daar tydelike skuiling vir diegene wie dakloos gelaat is en is die munisipaliteit reeds besig om die omvang van die skade te bereken en die koste te beraam vir herbou.

Twee hulpsentrums is ook in Mamello en by die Vaal Marina Stadsaal opgerig.

Midvaal burgemeester, raadslid Bongani Baloyi sal vandag die gebied besoek.

Vir enige noodgevalle skakel 016 360 7500 of 0861 643 8335.