Die eerste hokkiespanne van die Laerskool DF Malherbe het onlangs D8 by die “Best of the Best”-kampioenskap verteenwoordig. Dit volg nadat die span as die ligawenner aangewys is en die dogterspan die liga met die Laerskool Kollegepark gedeel het. Die twee spanne het hulle deeglik van hul taak gekwyt en wedstryde teen die wenners van ander Suid-Gauteng distrikte op ‘n rondomtaliegrondslag gespeel. Die dogterspan het ‘n vierde plek behaal, terwyl die seunspan derde geëindig het. Van links is: Shaun Kuter, Ruan van Zyl, Erick Becker, Nicky Pieterse, Daniel du Plessis, Xander Ox, Divan Strecker, Tiago Pereira, Dian Storm, Dian Loubser (doelwagter), Ettiene Freese, Erhard van den Berg, Ruben Smith en Reinhard Kaffier.
Darian Schreuder van die Laerskool Emfulenipark se eerste hokkiespan ontduik ’n speler van Lichtenburg tydens die Laerskool Risiville se Super8-toernooi wat onlangs in Vanderbijlpark plaasgevind het. Sy spanmaat Juan van der Berg staan nader om te help. Foto: Ettienne van Rensburg
