Rus sag liefste Juan

Ettienne van Rensburg

MEYERTON. – Die 9-jarige Juan van Staden wat verlede Dinsdagmiddag tragies oorlede is, toe hy ‘n riooldrein geval en vermoedelik verdrink het,  is vanmiddag om 14:00 vanuit die AGS  Kerk in Riversdal ter ruste gelê.

Sy ouers Genevieve Horne (38) en Theunis van Staden (33) het ‘n kort maar treffende video ter nagedagtenis van kleine Juan gemaak. Hy was ‘n leerling aan die Laerskool Voorwaarts in Riversdal en word as ‘n liefdevolle, energieke kind beskryf wat altyd ‘n glimlag op sy gesig gehad het. Rus sag Juan jou glimlag gaan gemis word.