Ernstige brandwonde nadat man ‘nes skrop’ by kragdrage

Dit blyk of hy vir hom ’n ‘nessie’ probeer maak het in een van die hoë kragmaste langs Mario Milanirylaan. Cobus de Wet, ’n brandweerman wat op die beseerde man afgekom en hulp ontbied het, sê hy en sy vrou het Vrydagoggend omstreeks 09:30 besluit om ondersoek in te stel nadat hulle op sosiale media van die man gehoor het. Met hul aankoms het hulle die erg beseerde man aangetref en ER24 onmiddellik ontbied. Die ER24-noodpersoneel het hom op die toneel behandel.
Volgens hulle het hy derdegraadse brandwonde oor sowat 50% van sy lyf opgedoen. Die beseerde man is na die Sebokenghospitaal geneem vir behandeling.