Lockdown-fotograwe hou dit interessant

'n Mens sal dink daar is maar min om af te neem tydens die inperking, maar moenie glo nie, die "lockdown-fotograwe" weet hoe om dit interessant te hou. Dit word duidelik bewys deur die pragfoto’s wat dag na dag deur die “lockdown-fotograwe” geneem word. Die inperking het wel verhoed dat mense vrylik kan rondbeweeg, maar dit kon duidelik nie mense se kreatiwiteit 'n halt bring nie.

April 29, 2020

Elsje Vermeulen Less than a minute

Marina Louw van Vanderbijlpark het hierdie kleurvolle foto geneem.

Van Vaalweekblad se lesers en volgers het besluit om die beste van die inperking te maak en hulself besig te hou deur mooi foto’s in en om die huis te neem. Van die fotograwe het sommer hul selfone vir die taak ingespan. As jy dalk ‘n mooi foto of twee het om te deel, stuur dit gerus na elsje.vermeulen@media24.com – en as jy met jou selfoon ‘n foto wil aanstuur, stuur dit na 083 417 1059. Stuur asb. jou naam en van saam, asook so bietjie inligting oor die foto (bv. in watter dorp die foto geneem is, die troeteldier se naam ens.).

Vaalweekblad het reeds nog ‘n paar foto’s ontvang wat môre sal verskyn.