Verkeerslig weer eens buite werking, lei tot ongeluk

Dit veroorsaak gereeld frustasie en ‘n verkeersopeenhoping, maar vanmiddag net na 16:00 het dit ook tot ‘n ernstige ongeluk gelei toe ‘n motoris vermoedelik nie besef het dat die verkeerslig nie werk nie en voor ‘n ander voertuig ingery het. Die impak het daartoe gelei dat die Mazda Drifter gerol het en die bestuurder van die voertuig moes hospitaal toe geneem word vir behandeling.

Die bestuurder van die ander voertuig wat in die ongeluk betrokke was het slegs ligte beserings opgedoen en was vir ‘n geruime tyd op die toneel voordat hy later self huistoe gery het.