Lockdown-foto’s stroom van oral in

Vaalweekblad is verheug oor die groot belangstelling en die ondersteuning waarmee lockdown-fotograwe vanuit die Vaal en ook ver buite ons grense, selfs sover as Saldanhabaai, hul foto's instuur sodat dit met ander lesers en volgers gedeel kan word. In hierdie tydperk is dit voorwaar lekker om iets mooi en postief te kan publiseer. Vaalweekblad is beïndruk en trots met die foto's wat op 'n daaglikse basis ontvang word. Geniet die pragtige oes!

May 13, 2020

Elsje Vermeulen 1 minute read

Twanette Pieterse, oud-Valie, het dié pragtige foto vanuit Saldanhabaai gestuur. Sy sê sy deel dit graag met die Vaaldriehoekers wat sy so baie mis en hoop dit helder iemand se dag op.

Van Vaalweekblad se lesers en volgers het besluit om die beste van die inperking te maak en hulself besig te hou deur mooi foto’s in en om die huis te neem. Daar is ook nou fotograwe wat die voorreg het om effens verder as net by hul huise foto’s te kan neem. Van die fotograwe het sommer hul selfone vir die taak ingespan. As jy dalk ‘n mooi foto of twee het om te deel, stuur dit gerus na elsje.vermeulen@media24.com – en as jy met jou selfoon ‘n foto wil aanstuur, stuur dit na 083 417 1059. Stuur asb. jou naam en van saam, asook so bietjie inligting oor die foto (bv. in watter dorp die foto geneem is, die troeteldier se naam ens.).

Vaalweekblad het reeds nog ‘n paar foto’s ontvang wat môre sal verskyn.