Local newsNewsNews
Lockdown-fotograwe bly op-en-wakker
Die "lockdown-fotograwe" is ingestel op alles rondom hulle en laat nie sommer 'n goeie fotogeleentheid deur hul vingers glip nie. As die son sak en 'n mooi sonsondergang wink staan hulle gereed. As daar 'n besoeker in die tuin opdaag word die kamera nader getrek. As daar 'n mooi blom in die tuin is moet hy afgeneem word, en moenie eers praat van woef en kieterkat nie ... en daarvoor bedank ons julle! Hou so aan fotograwe!
Van Vaalweekblad se lesers en volgers het besluit om die beste van die inperking te maak en hulself besig te hou deur mooi foto’s in en om die huis te neem. Daar is ook nou fotograwe wat die voorreg het om effens verder as net by hul huise foto’s te kan neem. Van die fotograwe het sommer hul selfone vir die taak ingespan. As jy dalk ‘n mooi foto of twee het om te deel, stuur dit gerus na elsje.vermeulen@media24.com – en as jy met jou selfoon ‘n foto wil aanstuur, stuur dit na 083 417 1059. Stuur asb. jou naam en van saam, asook so bietjie inligting oor die foto (bv. in watter dorp die foto geneem is, die troeteldier se naam ens.).
Vaalweekblad het reeds nog ‘n paar foto’s ontvang wat môre sal verskyn.
At Caxton, we employ humans to generate daily fresh news, not AI intervention. Happy reading!
