Fotograwe fokus vandag op Moeder Natuur

Die "lockdown-fotograwe" het reeds keer-op-keer bewys dat hulle maklik in die skatkis van hul eie kreatiewe verbeelding kan delf vir foto idees, maar dit bly maar altyd lekker om die prag van Moeder Natuur te aanskou en te kan afneem. Vandag fokus die fotograwe op die natuur!

May 17, 2020

Elsje Vermeulen 1 minute read

Magda Vermeulen van Vereeniging het die heldergroen besoeker in die tuin raakgesien en afgeneem.

Van Vaalweekblad se lesers en volgers het besluit om die beste van die inperking te maak en hulself besig te hou deur mooi foto’s in en om die huis te neem. Daar is ook nou fotograwe wat die voorreg het om effens verder as net by hul huise foto’s te kan neem. Van die fotograwe het sommer hul selfone vir die taak ingespan. As jy dalk ‘n mooi foto of twee het om te deel, stuur dit gerus na elsje.vermeulen@media24.com – en as jy met jou selfoon ‘n foto wil aanstuur, stuur dit na 083 417 1059. Stuur asb. jou naam en van saam, asook so bietjie inligting oor die foto (bv. in watter dorp die foto geneem is, die troeteldier se naam ens.).

Vaalweekblad het reeds nog ‘n paar foto’s ontvang wat môre sal verskyn.