Twee meisies verloor albei ouers in ongeluk

VANDERBIJLPARK. – Drie persone is dood na ‘n lelike ongeluk gisteraand 11 Maart net na 18:00 in Hendrik van Eck boulevard nadat die bestuurder vermoedelik beheer verloor het en die voertuig twee voetgangers getref het.

Die Srividhya Sivakumar is opslag dood en het sowat 30m vanaf die toneel gelê. Haar man Venkatasubramaniam is oppad na die hospitaal in die Netcare ambulans helikopter oorlede.  Die bestuurder van die voertuig, Janneman Espach is op die toneel dood verklaar. Die Sivakumar’s was te voet om kos te gaan koop toe die ongeluk gebeur het. Die polisie ondersoek die saak. Die egpaar se twee dogters Anjana en Shruthya bly tans by vriende. Die Indiese Ambassade het gereël dat familie vanaf Maandag vanuit Indië in die land sal aankom.