Die nuus dat Kobus Koekemoer die pragtige blou–oog, blondekop meisie na bewering doodgeslaan het, het soos ‘n veldbrand op sosiale media versprei. Talle het hul misnoeë teenoor Koekemoer te kennie gegee, terwyl ander boodskappe van simpatie aan die familie gestuur het.
Die gesin woon op ‘n plaas in Mamogaleskraal in Brits, op die Letlhabile-pad. Koekemoer het Vrydag op aanklag van moord in landdroshof in Brits verskyn.
Poppie is glo verlede Dinsdag gedurende die aand hospitaal toe geneem, waar sy dood verklaar is.
Volgens Poppie se ma, Louisa Koekemoer, is daar talle gerugte op Facebook, maar dit is volgens haar hoorsê, en sy sê dat die waarheid moet uitkom.
Koekemoer moet op 3 November weer in die landdroshof in Brits verskyn, waar hy na verwagting om borgtog sal aansoek doen.
Hy bly in aanhouding.
