HS Driehoek het rede vir vrolikheid!

Personeel en leerlinge van die Hoërskool Driehoek het rede om breed te glimlag nadat die matriekuitslae bekend gemaak is. Dié skool het verskeie 2016-matrikulante opgelewer wat 4 en meer onderskeidings behaal het. Hier deel een van die skool se gewilde onnies, mnr. Leon Visser (“Mr Fish”) ‘n vrolike oomblik met Jalencke Weeber, Driehoek se dux-leerling in 2016. Sy is een van drie leerlinge van die skool wat sewe onderskeidings behaal het. Waldo Berge het met sy 8 onderskeidings die meeste A’s by Driehoek ingeoes. ‘n Bylae oor die 2016-matriekpresteerders verskyn in Vaalweekblad van 25 Januarie.