ESKOM wil elektrisiteitstariewe met 19.9% verhoog

Die inligting het aan die lig gekom na Eskom hul voorlegging vir die beplande verhoging in elektrisiteit vir 2018/2019 aan die South African Local Government Association (SALGA) en die Nasionale Tesourie ingedien het om kommentaar daarop te lewer voor dit aan NERSA (National Energy Regulator of South Africa) gestuur word.

Die finale besluit word deur NERSA geneem.

Moneyweb het vroeër die week die inligting bekend gemaak. ESKOM wil verder hê dat munisipaliteite wat elektrisiteit in grootmaat aankoop vanaf 1 Julie 2018 27.3% meer moet betaal.

NERSA het vanjaar ESKOM slegs ‘n 2.2% verhoging in elektrisiteitstariewe toegelaat.

Chris Yelland, energie ontleder, het aan Times Live gesê dat dit onwaarskynlik is die 19.9% verhoging toegelaat gaan word.