Vyf in trompop-botsing beseer

Vier insittendes van dié Toyota-bakkie is verlede Maandag beseer en deur ER24 na Mediclinic Vereeniging vervoer nadat hul voertuig op die roete vanaf Heidelberg na Vereeniging reg van voor deur ‘n rooi Mazda getref is. Die bestuurder van die Mazda is ook beseer en deur Gauteng EMS na die Vereeniging/Kopanong-hospitaal vervoer. Volgens die bestuurder van die Mazda het die botsing plaasgevind nadat hy vir ‘n fiets moes uitswaai, beheer oor sy voertuig verloor en oor die middelman tot voor die aankomende verkeer ingery het. Foto’s: Chris Smuts