VANDERBIJLPARK. – ‘n Jong man in sy twintigs is vroegoggend beseer toe hy met sy Big Boy bromponie teen ‘n Izusu afleweringsvoertuig gebots het.
Die ongeluk het net voor 11:00 vanoggend 2 Julie in Rosinni boulevard gebeur. Volgens die bestuurder van die bakkie het hy stadiger begin ry om ‘n aflewering te doen by een van die huise. Volgens hom het hy die aankomende bromponie in die tru-spieël gesien en die volgende oomblik die slag gevoel.
Die bromponie het die regteragterkant van die bakkie getref. ER24 personeel het die jong man op die toneel behandel en na die Emfuleni Mediclinic geneem vir behandeling. HY het sy linkerarm gebreek en verskeie ander kleiner beserings opgedoen.
Die jong man se stiefma en ouma en oupa was op die toneel en het hom bygestaan. Die polisie ondersoek die ongeluk.
