Hannetjie de Villiers se ongewone troeteldier

Hannetjie de Villiers van die Vaaldriehoek het ‘n ongewone ‘troeteldier’: ‘n wyfie hottentotsgot wat sy al van die begin van die jaar af in haar huis vertroetel. Die hottentotsgot is duidelik goed versorg waar sy in Hannetjie se vensterbank op ‘n klein doringboompie woon. Hoe weet Hannetjie dis ‘n wyfie? Omdat die insek onlangs begin eiers lê het – ‘n taak waarmee Hottie juis hier op die foto besig is. Stuur oulike of ongewone foto’s na rfichat@media24.com. Die beste foto’s van die maand word met pretpryse beloon.