Dié Meyerton-apteek is beste in land

MEYERTON. – Van der Walt Apteek is onlangs deur die Local Choice Pharmacyapteekgroep as hul beste franchise in die land aangewys.
Dié gesogte toekenning word jaarliks aan een van die groep se apteke gedoen. Van der Walt Apteek het vanjaar altesaam 103 franchises regoor die land uitgestof om hierdie toekenning in te palm. Die apteek is beoordeel op grond van sy deelname by The Local Choicegroep, sy betrokkenheid in die gemeenskap, die getal mense wat in sy diens is en die verskeidenheid produkte wat daar verkoop word.