Viervoet-modelle kry ook ‘n kans voor die kamera

Dit wil voorkom of die "lockdown-fotograwe" al hoe beter word hoe langer die inperking duur. Vaalweekblad is sommer baie trots op die pragtige foto's wat daagliks ingestuur word. Dit is duidelik dat hierdie virus nie mense se geesdrif kan stuit nie, en dit is duidelik dat daar ook nie 'n tekort aan modelle (al is hul bietjie wollerig) is nie.

May 6, 2020

Elsje Vermeulen Less than a minute

Elize Verwey van Sasolburg het haar 15 maande oue Great Dane, Sky, op die oewer van die Vaalrivier afgeneem.

Van Vaalweekblad se lesers en volgers het besluit om die beste van die inperking te maak en hulself besig te hou deur mooi foto’s in en om die huis te neem. Van die fotograwe het sommer hul selfone vir die taak ingespan. As jy dalk ‘n mooi foto of twee het om te deel, stuur dit gerus na elsje.vermeulen@media24.com – en as jy met jou selfoon ‘n foto wil aanstuur, stuur dit na 083 417 1059. Stuur asb. jou naam en van saam, asook so bietjie inligting oor die foto (bv. in watter dorp die foto geneem is, die troeteldier se naam ens.).

Vaalweekblad het reeds nog ‘n paar foto’s ontvang wat môre sal verskyn.