Neem ‘n foto of twee … of drie!

Fotografie is meer as net 'n stokperdjie ... dit help jou om die mooi om jou raak te sien. Die "lockdown-fotograwe" se daaglikse bydraes kan hiervan getuig. So as jy die naweek verveeld is (soos sommige weeksdae), bekyk bietjie die alledaagse dinge om jou van nader en neem 'n foto of twee ... of meer.

May 23, 2020

Elsje Vermeulen 1 minute read

Anita Bester van Kempton Park het hierdie mooi patroon en tekstuur raakgesien en afgeneem.

Van Vaalweekblad se lesers en volgers het besluit om die beste van die inperking te maak en hulself besig te hou deur mooi foto’s in en om die huis te neem. Daar is ook nou fotograwe wat die voorreg het om effens verder as net by hul huise foto’s te kan neem. Van die fotograwe het sommer hul selfone vir die taak ingespan. As jy dalk ‘n mooi foto of twee het om te deel, stuur dit gerus na elsje.vermeulen@media24.com – en as jy met jou selfoon ‘n foto wil aanstuur, whatsapp dit na 083 417 1059. Stuur asb. jou naam en van saam, asook so bietjie inligting oor die foto (bv. in watter dorp die foto geneem is, die troeteldier se naam ens.).

Vaalweekblad het reeds nog ‘n paar foto’s ontvang wat môre sal verskyn.