Selfoon-video van skietery versprei soos veldbrand (Waarskuwing krutaal en grafiese beeldmateriaal)
Ettienne van Rensburg MEYERTON. – ‘n Skokkende selfoon-video wat die laaste minute van sy lewe en die gebeure wat tot die skietdood van die 61-jarige Daniel Christoffel Van Heerden op 27 Desember aanleiding gegee het, het vandeesweek soos ‘n veldbrand op sosiale media versprei. Van Heerden, pa van Danie van Heerden, ‘n voormalige EFC-swaargewigkampioen en Chris …
Ettienne van Rensburg
MEYERTON. – ‘n Skokkende selfoon-video wat die laaste minute van sy lewe en die gebeure wat tot die skietdood van die 61-jarige Daniel Christoffel Van Heerden op 27 Desember aanleiding gegee het, het vandeesweek soos ‘n veldbrand op sosiale media versprei.
Van Heerden, pa van Danie van Heerden, ‘n voormalige EFC-swaargewigkampioen en Chris van Heerdern, voormalige IBO wêreld weltergewigkampioen. Van Heerden, ‘n vader van 13 kinders, is Donderdagmiddag omstreeks 14:00 na ‘n woordewisseling met ‘n sekuriteitswag doodgeskiet. Die verdagte is in aanhouding en sal môre in die Vereenigingse Landroshof verskyn. Chris het vandag uit Amerika in Suid-Afrika aangeland om die begrafnis by te woon. Na wat verneem word sal die begrafnis eerskomende Vrydag plaasvind. Verdere besonderhede is nog nie bekend nie.
*Vaalweekblad het op aanbeveling van sy regsspan weerhou om die video te publiseer totdat die Persombudsman gereageer het.
